4 أخطاء لازم تعرفها وانت في الـPCT في مرحلة استرجاع الهرمونات بعد الكورس.
1 — إنك تبدأ بدري، والهرمونات لسه شغّالة في جسمك.
ناس كتير بتخاف إنها تقع عضل، فبتبدأ الـPCT على طول وهي مهملة إن لسه فيه هرمونات في جسمها شغّالة، ولسه فيه ارتفاع في المواد الأندروجينية في الدم. ومادام الأندروجين لسه عالي، فمستحيل يحصل استشفاء حقيقي لهرموناتك — يبقى كأنك كنسلت الـPCT وهو أصلًا بايظ. الفكرة إن كل مادة دخّلتها جسمك ليها فترة لحد ما تخرج، والبداية الصح بتكون بعد ما الأندروجين يوصل للصفر. التوقيت ده حاجة بتتحدد بتحليل، مش بتخمين.
2 — إنك تاخد مركّب أندروجيني في وقت الاسترجاع.
فيه ناس بتاخد مركّبات من فصيلة الـDHT بعد الكورس وهي فاكرة إنها بتساعد على إنتاج التستوستيرون الطبيعي، أو إنها بتمنع الأرمطة. وده غلط من جذوره: المركّبات دي أندروجينية قوية وبتبعت لجسمك نفس إشارة القمع اللي انت عايز تتخلّص منها. يعني كأنك بتقول لنفسك «هرجّع هرموني الطبيعي» بحاجة بتوقّف إنتاجه الطبيعي. انت في مرحلة المفروض فيها الأندروجين الخارجي يروح، مش يعلى.
3 — إنك تسيء استخدام المنشّطات الصناعية للهرمون الذاتي.
فيه أدوية بتشتغل كمنشّط صناعي للهرمون اللي بيطلّع الـLH وFSH. المشكلة إن الجرعة الزيادة ممكن تعمل العكس تمامًا وتقمع إنتاجك الطبيعي بدل ما تنشّطه — لأن نفس الدواء بيُستخدم أصلًا في تثبيط هرمونات الغدة النخامية في حالات طبية تانية خالص. وكمان لوحده مش كفاية: محتاج متابعة للإستروجين والبرولاكتين، وكل ده قرار وجرعة بترجع فيهم لدكتور وتحاليل، مش حاجة تتاخد لوحدها بالتخمين.
4 — إنك تستخدم الـ HCG في الوقت الغلط.
ناس بتدخّل HCG بعد الكورس وهي فاكرة إنها بتعمل recovery. لكن ده بيدّي إشارة مؤقتة بس، وبيعلّي الإستروجين تاني — يعني وانت أصلًا داخل تنضّف، بترفّع إستروجينك من تاني. ولما مفعوله يخلص، كل حاجة بترجع واقفة زي ما كانت. مكانه الصح بيكون في وقت مختلف من الرحلة، مش هنا — والتوقيت ده بيتحدد طبيًا.
وأهم حاجة في الموضوع كله: التحليل هو اللي بيقول لجسمك التستوستيرون شغّال ولا لأ، والإستروجين مظبوط ولا لأ، ووظايف الكبد مظبوطة ولا لأ، والبرولاكتين عالي ولا لأ. وتحليل السائل المنوي (semen analysis) هو اللي بيقولك عندك حيوانات منوية وسرعتها.
مش مجرّد بوست ليا أو لأي كابتن أو دكتور يقولك اعمل كذا يبقى انت نجحت في الـPCT. دي مش لعبة، وبتفرق من شخص لشخص، وتحاليلك هي دليلك الوحيد.